Son vaxtlarda qiymətlər qalxdıqca bir əşya almazdan əvvəl onun haqqında bir xeyli araşdırırıq. Bu araşdırmaları edərkən bilmədən və xəbərimiz olmadan etdiyimiz bir davranış olur: Decoy Effekti.

Günlük həyatda bir şey alarkən seçimlər arasında qalırıq və çox zaman fərqli qiymət seçimləri arasında cibimizə ən uyğun olanını və ucuzunu alırıq. Bunu tarixi bir əhvalat ilə anlataq. Keçmiş zamanlarda Williams sonomo adlı bir şirkət ilk çörək bişirmə aparatını satışa çıxarır. Lakin bu cihazı heç kim almadı. 300 dollarlıq qiyməti ilə bir çox adam ” Çörək bişirən aparata kim 300 dollar verər?” deyə düşünmüşdür. Buna görə də şirkət 1 aparat belə sata bilməmişdi.

Bu hadisələrdən sonra şirkət qərara gəldi ki aparatın satışını dayandırsınlar və bütün mallarını geri çağırdılar. Sonra isə səbəbin nə olduğunu anlamaq üçün bir marketinq məsləhətçisinin yanına getdilər. Bütün məsələni danışdıqdan sonra məsləhətçi “Yeni, daha böyük bir çörək bişirmə aparatı hazırlayın və 450 dollara satın” dedi.  İlk öncə şirkət rəsmiləri bu fikir ilə lağ etdilər. Çünki məntiqlə düşünsək, ucuzu almayan insan niyə bahalını alsın ?. Lakin məsləhətçi öz fikrini şirkətə bir yol ilə qəbul etdirdi. Şirkət 2-ci bir aparat hazırladı və mağazalara satışa göndərdi. Nəticədə 2 ədəd aparat oldu və biri digərindən daha böyük, daha bahalı idi.

Bir müddət sonra 300 dollarlıq aparat sürətli şəkildə satılmağa başladı və şirkət çox təəccübləndi. Bu hadisəyə Decoy Effekti deyilir. Bu davranış insanın müqayisə istəyinin nəticəsi olaraq ortaya çıxır. Biz insanlar bir şey alarkən onu dəfələrlə müqayisə edirik və sonra alırıq. Günümüzdə də bir şey alarkən onu alternativləri ilə müqayisə edib alırıq. Decoy Effekti insanlar üzərində araşdırılmış ən maraqlı davranışlardan biridir.